پاکستان سپر لیگ سیزن 10 کے 28 ویں میچ میں کوئٹہ گلیڈی ایٹرز نے سنسنی خیز مقابلے کے بعد ملتان سلطانز کو 2 وکٹوں سے شکست دیدی۔ کوئٹہ گلیڈی ایٹرز نے ملتان سلطانز کی جانب سے ملنے والا 186 رنز کا ہدف آخری گیند پر حاصل کیا، کوئٹہ گلیڈی ایٹرز کی جانب سے حسن نواز نے 67 رنز کی ناقابل شکست اننگز کھیلی جبکہ خواجہ نافع 51 رنز کیساتھ نمایاں رہے۔ ملتان سلطانز کی جانب سے شاہد عزیز نے 3 جبکہ محمد حسنین، عبید شاہ اور پیٹر ہٹزوگلونے ایک ایک وکٹ حاصل کی۔ قبل ازیں راولپنڈی کرکٹ سٹیڈیم میں ہونیوالے میچ میں ملتان سلطانز نے کوئٹہ گلیڈی ایٹرز کیخلاف ٹاس جیت کر پہلے بیٹنگ کا فیصلہ کیا اور مقررہ 20 اوورز میں 7 وکٹوں کے نقصان پر 185 رنز بنائے۔ ملتان سلطانز کی جانب سے اننگز کا آغاز کپتان محمد رضوان اور یاسر خان نے کیا تاہم محمد رضوان 4 رنز کے مہمان ثابت ہوئے، اوپنر یاسر خان 45 اور طیب طاہر 36 رنز کیساتھ نمایاں رہے۔ کوئٹہ گلیڈی ایٹرز کی جانب سے عثمان طارق نے 3 ، فہیم اشرف، خرم شہزاد، ابرار احمد اور محمد وسیم نے ایک ایک وکٹ حاصل کی۔