میاں صاحب کی صحت سے متعلق پارٹی اور عوام میں سخت تشویش پائی جاتی ہے، خواجہ آصف
لاہور: پاکستان مسلم لیگ نواز کے سینئر رہنما خواجہ آصف نے خبردار کیا ہے کہ اگر سابق وزیراعظم نواز شریف کی صحت کو کوئی نقصان پہنچا تو ذمے دار شخص کو کبھی معاف نہیں کریں گے۔
نواز شریف کی صحت کو نقصان پہنچا تو ذمے دار شخص کو معاف نہیں کریں گے، خواجہ آصف
لاہور(صباح نیوز)پاکستان مسلم لیگ نواز کے سینئر رہنما خواجہ آصف نے خبردار کیا ہے کہ اگر سابق وزیراعظم نواز شریف کی صحت کو کوئی نقصان پہنچا تو ذمے دار شخص کو کبھی معاف نہیں کریں گے۔ میڈیا سے گفتگو میں ان کا کہنا تھا کہ نواز شریف کو پمزشفٹ کر دیا گیا ہے اور ان کی طبیعت ناساز ہے۔خواجہ آصف نے کہا کہ جن حالات میں نواز شریف کو رکھا گیاہے اس پر خدشات بڑھتے جارہے ہیں۔انہوں نے کہا کہ میاں صاحب کی صحت سے متعلق پارٹی اور عوام میں سخت تشویش پائی جاتی ہے، ان کی ہارٹ کی 2 سرجریز بھی ہوچکی ہیں۔سابق وزیر دفاع کا کہنا تھا کہ نواز شریف کو ایسے حالات میں نہ رکھا جائے کہ جس میں ان کی صحت مزید بگڑ جائے۔انہوں نے مطالبہ کیا کہ مانسہرہ میں احتجاج کرنے والوں کی شہادت کے واقعے کی تحقیقات کی جائے اور واقعے کے ذمے داروں پر مقدمات قائم کیے جائیں۔