عمران خان آج شانگلہ بشام میں جلسہ عام سے خطاب کریں گے
سابق وزیراعظم عمران خان آج شانگلہ بشا م میں عوامی طاقت کا بھر پور مظاہرہ کرینگے، جلسہ سے وزیراعلیٰ کےپی محمودخان اوردیگربھی خطاب کرینگے۔ پی ٹی آئی جلسے کے لئے تمام انتظامات کو حتمی شکل دی جاچکی ہے، جلسہ گاہ کو چیئرمین پی ٹی آئی کے قد آور تصاویر سے مزین کیا جاچکا ہے۔ سٹی میئرشاہد علی نے رات گئے بشام گراؤنڈ کا دورہ کیا اس موقع پر میڈیا سے گفتگو کرتے ہوئے انہوں نے کہا کہ آزادی مارچ کےبعد پہلا جلسہ آج شانگلہ میں ہوگا، شانگلہ جلسےمیں عوامی سمندر نکلے گا، جلسے کے لیے تمام انتظامات مکمل ہیں۔ شاہد علی نے گفتگو میں کہا کہ کے پی کےعوام خان صاحب کیساتھ ہیں،جب تک امپورٹڈ حکومت ہے تب تک ہمارا احتجاج جاری رہےگا۔