عالمی ادارہ صحت نے ساڑھے تین برس بعد کورونا کی گلوبل ہیلتھ ایمرجنسی کے خاتمے کا اعلان کردیا۔ جینیوا میں کانفرنس کے بعد ڈبلیو ایچ او کے سربراہ ٹیدروس ادہانوم نے پریس کانفرنس سے خطاب میں بتایا کہ ہمارے پاس کورونا سے مرنے والے افراد کی تعداد 70 لاکھ سے کم ہے۔ انہوں نے کہا کہ ہمیں اندازہ ہے کہ کورونا سے لگ بھگ دو کروڑ افراد ہلاک ہوئے ہوں گے اور ایمرجنسی کے خاتمے کا یہ مطلب نہیں کہ وبا مکمل طور پر ختم ہو گئی ہے۔ کورونا وائرس کا آغاز دسمبر 2019 کے اختتام پر چین سے ہوا تھا اور عالمی ادارہ صحت نے اسے جنوری2020 میں گلوبل ہیلتھ ایمرجنسی قرار دیا تھا۔