وزیراعظم کا پیغام ٹیکس چورں اور بے نامی داروں کے نام تھا،فردوس عاشق
وزیراعظم کی معاون خصوصی برائے اطلاعات و نشریات ڈاکٹر فردوس عاشق اعوان نے کہا ہے کہ وزیراعظم عمران خان کا پیغام جعلی اکائونٹس ہولڈرز، ٹیکس چورں اور بے نامی داروں کے نام تھا،30 جون سے قبل اپوزیشن کی چیخیں چور کی داڑھی میں تنکا کے مصداق ہیں۔
انہوں نے اپوزیشن رہنمائو ں کی جانب سے جاری کردہ بیان پر اپنے ردعمل میں کہا ہے کہ 30 جون سے قبل اپوزیشن کی چیخیں چور کی داڑھی میں تنکا کے مصداق ہیں اور اس بات کی غمازی ہے کہ وزیراعظم کا موقف درست ہے۔
انہوں نے الزام عائد کیا کہ اپوزیشن سیاسی منافقت کا شکار ہے جب کہ اپوزیشن قائدین جیل کے ڈر سے اجتماعی بیماری میں مبتلا ہوگئے ہیں۔ڈاکٹر فردوس عاشق اعوان نے دعویٰ کیا کہ نواز شریف اور آصف علی زرداری نے قرضے بیرون ملک جائیدادیں بنانے کے لیے جبکہ عمران خان ان کے لیے ہوئے قرضوں کی ادائیگی کے لیے قرض لے رہے ہیں۔
انہوں نے صنعت کاروں، تاجروں اور عوام سے اپیل کی کہ وزیراعظم کے پیغام کا جواب اثاثے ظاہر کر کے دیں اور ٹیکس ریفارمز ایجنڈے کا حصہ بنیں۔وزیراعظم کی معاون خصوصی نے کڑی نکتہ چینی کرتے ہوئے کہا کہ اپوزیشن سے جب بھی کرپشن کی بات کریں تو وہ وزیراعظم کی ذات پر حملہ کر دیتی ہے۔
اپوزیشن کو سخت تنقید کا نشانہ بناتے ہوئے انہوں نے کہا کہ ایک جانب اپوزیشن دعویٰ کرتی ہے کہ ہمارے منصوبے چوری کیے جارہے ہیں تو دوسری جانب انہی منصوبوں پر تنقید بھی کرتی ہے۔پاکستان تحریک انصاف سے تعلق رکھنے والی ڈاکٹر فردوس عاشق اعوان نے مشورہ دیا کہ اپوزیشن قائدین اور ترجمان کرپشن کنگز کی قصیدہ گوئی کرنے کے بجائے عوام کی چوکیداری کریں۔
انہوں نے الزام عائد کیا کہ اپوزیشن وزیراعظم عمران خان پر عوام کے اعتماد کی وجہ سے حسد اور بغض کا شکار ہے۔ انہوں نے دعوی کیا کہ اپوزیشن نہیں چاہتی کہ ملک میں معاشی صورتحال بہتر ہو کیونکہ معیشت ٹھیک ہو گئی تو اپوزیشن کا سیاسی پتہ کٹ جائے گا۔
وزیراعظم کی معاون خصوصی نے کہا کہ اپوزیشن قائدین اپنے مفرور اور بیرون ملک چھپے ہوئے رہنماں، دامادوں اور بچوں کو پاکستان واپس لائیں اورعدالتوں میں پیش کریں۔ڈ
اکٹر فردوس عاشق اعوان نے کہا کہ ماضی گواہ ہے کہ پارلیمنٹ میں کھٹرے ہو کر جھوٹ بولنا شریف برادران کا شیوہ ہے۔
انہوں نے کہا کہ نواز شریف کا پارلیمنٹ میں بولا گیا چھوٹ عدالت نے پکڑا اور جن کو پاکستان کی سب سے بڑی عدالت نے جھوٹا قرار دیا ان کا عمران خان پر انگلی اٹھانا بے معنی ہے۔