پاکستان اسٹاک ایکسچینج  میں کاروباری ہفتے کے پہلے روز تیزی کے بعد ملا جلا رجحان دیکھا گیا۔ کاروبار کے آغاز پر بازار حصص میں تیزی دیکھی گئی، 100 انڈیکس میں 870 پوائنٹس کا اضافہ ریکارڈ کیا گیا جس کے بعد انڈیکس ایک لاکھ 40 ہزار 77 پوائنٹس پر پہنچا۔  تاہم ٹریڈنگ کے دوران اتار چڑھاؤ کے باعث ایک لاکھ 40 ہزار کی حد بحال نہ رہ سکی۔  100 انڈیکس میں 172پوائنٹس کا اضافہ ہوا جس کے بعد انڈیکس ایک لاکھ 39 ہزار 380 پوائنٹس پر بند ہوا۔  کاروبار کے دوران 100 انڈیکس ایک لاکھ 40 ہزار 149 پوائنٹس کی بلندی پر بھی پہنچا۔ اسٹاک مارکیٹ میں آج 58 کروڑ شیئرز کے سودے 34 ارب روپے میں طے ہوئے۔ گزشتہ ہفتے کے آخری روز کاروبار کے اختتام پر 100 انڈیکس ایک لاکھ 39 ہزار 207 پوائنٹس پر بند ہوا تھا۔