خیبرپختونخوا میں24گھنٹوں کے دوران 20ہزار ہیلتھ ورکرز اور شہریوں کوویکسین دی گئی
صوبے میں کورونا سے بچائو کی ویکسین دیئے جانے کا عمل تیز کر دیاگیا۔محکمہ صحت کے مطابق گزشتہ روز مجموعی طور 20 ہزار سے زائد ہیلتھ کیئر ورکرز اور شہریوں کو ویکسین دی گئی۔ صوبے میں اب تک 54 ہزار 690 ہیلتھ ورکرز کو ویکسین کی پہلی ڈوز دی جا چکی ہے۔ ویکسین کی دوسری ڈوز لینے والے طبی عملے کی تعداد 33 ہزار 873 ہے۔محکمہ صحت کی رپورٹ کے مطابق اب تک 50 سال اور زائد عمر کے 1 لاکھ 55 ہزار شہریوں کو ویکسین کی پہلی خوراک دی گئی ہے۔ ویکسین کی دوسری ڈوز لینے والے شہریوں کی تعداد 42 ہزار 692 ہے۔ سنگل ڈوز کین سائنو ویکسین 7953 بزرگ شہریوں کو دی جا چکی ہے۔ 40 سے زائد عمر کے شہریوں کی کورونا سے بچا کی ویکسین کے لیے رجسٹریشن شروع ہے۔