وزیر اطلاعات پنجاب عظمی بخاری نے کہا ہے کہ پھپھو کی خواہش پوری نہیں ہوسکی کیونکہ بھتیجے پاکستان نہیں آرہے،سابق بھاوج نے اپنے بچوں کو پاکستان جانے سے روک دیا ہے،جب مہاتما کے اپنے بچے ہی احتجاج میں شامل نہیں ہوں گے تو انقلاب کیسے آنا تھا؟۔ اپنے بیان میں انہوں نے کہا کہ 5 اگست کا احتجاج آغاز سے قبل ہی فلاپ شو ہوگیا،علیمہ باجی نے بھی 5 اگست کے نام نہاد احتجاج کی ناکامی کی پیشگی اطلاع دے دی ہے،پی ٹی آئی کی موجودہ قیادت بھی احتجاج کی حامی نہیں ہے۔ انہوں نے کہا کہ خیبرپختونخوا ہ کے بلدیاتی اداروں میں 354 ارب کی مالی بے ضابطگیاں چارج شیٹ ہے،خیبرپختونخوا ہ کے عوام کی فلاح وبہبود پر خرچ ہونے والے فنڈز کی بندربانٹ ہورہی،چور چور کا راگ الاپنے والے خود 12 سال سے کرپشن کے ریکارڈ قائم کررہے ہیں،جو لوگ نااہل ہورہے وہ ناکام بغاوت کے مرتکب قرار پائے۔ انہوں نے کہا کہ 9 مئی کے واقعات پر ندامت اور شرمندگی کی بجائے انکا دفاع کرنا بھی شرمناک ہے،شہدا ء کے مجسمے جلانے والے قوم کے لئے قابل نفرت بن چکے ہیں۔