این ڈی ایم اے نے مون سون بارشوں کے باعث 26 جون سے 30 جولائی تک کے نقصانات کی تفصیلات جاری کر دیں۔ رپورٹ کے مطابق گزشتہ 24 گھنٹے کے دوران مزید 1 شخص جاں بحق، 8 زخمی ہوئے، 26 جون سے اب تک مون سون کے دوران مختلف واقعات میں 289 افراد جاں بحق ہوئے، 26 جون سے اب تک ملک بھر میں 698 زخمی ہوئے۔ این ڈی ایم اے کے مطابق جاں بحق ہونے والوں میں 136 بچے، 102 مرد، 51 خواتین شامل ہیں، پنجاب میں سب سے زیادہ 158 افراد جاں بحق، 556 زخمی ہوئے۔ رپورٹ کے مطابق خیبرپختونخوا میں 64 اموات، 81 زخمی، سندھ میں 28 افراد جاں بحق، 40 زخمی، بلوچستان میں 20 اموات، 4 زخمی ہوئے۔ گلگت بلتستان میں 9 افراد جاں بحق، 4 زخمی، آزاد کشمیر میں 2 اموات ، 10 زخمی، اسلام آباد میں 8 افراد جاں بحق، 3 زخمی ہوئے۔ مجموعی طور پر اب تک 1 ہزار 580 گھروں کو نقصان پہنچا، 372 مویشی پانی میں بہہ گئے، بارشوں سے 651 کلومیٹر سڑکوں اور 53 پلوں کو نقصان پہنچا۔