ملک بھر میں 5 مئی تک تیز ہوائوں اور آندھی کے ساتھ بارش کا امکان،نئی ایڈوائزری جاری
ملک میں 5 مئی تک ممکنہ غیر متوقع موسمی صورتحال کے لیے ایڈوائزری جاری کر دی گئی۔نیشنل ڈیزاسٹر مینجمنٹ اتھارٹی کے مطابق خیبر پختونخوا، گلگت بلتستان، آزاد کشمیر، شمال مشرقی پنجاب اور شمالی مشرقی بلوچستان میں تیز ہوائوں اور آندھی کے ساتھ بارش کا امکان ہے۔این ڈی ایم اے نے کہا کہ سندھ کے چند اضلاع میں بھی تیز ہوائوں اور آندھی کے ساتھ بارش ہو سکتی ہے۔این ڈی ایم اے نے ممکنہ غیر متوقع موسمی صورتحال سے نمٹنے کے لیے تمام متعلقہ اضلاع اور اداروں کو الرٹ رہنے کی ہدایت کی ہے۔
