عظیم جادوگر سپنر اور سابق قومی کرکٹر ثقلین مشتاق کے صاحبزادے حفظ قران بن گئے
عظیم جادوگر سپنر اور سابق قومی کرکٹر ثقلین مشتاق کے صاحبزادے حافظ قران بن گئے، سوشل میڈیا پر سامنے آنے والی تصویر کے چرچے، تصویر میں سابق قومی کرکٹر اپنی باحجاب اہلیہ اور صاحبزادے کے ہمراہ موجود ہیں۔ تفصیلات کے مطابق پاکستان کے سابق اور مایہ ناز کرکٹر ثقلین مشتاق کے صاحبزادے حافظ قرآن بن گئے ہیں۔ جادوگر سپنر اور دوسرا گیند دریافت کرنے والے ثقلین مشتاق کے صاحبزادے کے حافظ قرآن بننے کی خبر سوشل میڈیا کے ذریعے سامنے آئی۔ سوشل میڈیا پر گردش کرنے والی ثقلین مشتاق کے اہل خانہ کی تصویر کے خاصے چرچے بھی ہوئے ہیں۔ سوشل میڈیا پر گردش کرنے والی تصویر میں سابق قومی کرکٹر اپنی باحجاب اہلیہ اور صاحبزادے کے ہمراہ موجود ہیں۔ اس موقع پر ثقلین مشتاق اپنی اہلیہ اور بیٹے کے ساتھ اپنے بیٹے کے حافظ قرآن بننے کی خوشی میں کیک کاٹ رہے ہیں۔ پاکستانی شائقین کرکٹ نے ثقلین مشتاق کی اس تصویر کو خاصا پسند کیا ہے۔
