گیارہ پاکستانی عازمین عمرہ وطن واپسی کیلئے پریشان ہوگئے۔ سعودی ایئرلائن کی پرواز پاکستانی مسافروں کو ایئرپورٹ لاونج میں ہی چھوڑ کر روانہ ہو گئی۔ پاکستانی عازمین عمرہ کو سعودی ایئرلائن کی پرواز نمبر 724 کے ذریعے پیر کی صبح جدہ سے براستہ ریاض اسلام آباد پہنچنا تھا لیکن سعودی ایئرلائن کی پرواز پاکستانی مسافروں کو ایئر پورٹ لاونج پر ہی چھوڑ کر روانہ ہوگئی۔ ذرائع کے مطابق مسافر چار گھنٹے پہلے ایئرپورٹ پہنچے تھے، بورڈنگ کارڈ بھی جا ری ہوگئے اور سامان بھی بک کرلیا گیا تھا کہا گیا آپ کو ہوٹل بھیج رہے ہیں۔ فلائٹ کے وقت پر واپس لے آئیں گے مگر پرواز مسافروں کو چھوڑ کر روانہ ہو گئی۔ مسافر زاہد خان کا کہنا ہے کہ اب سعودی ایئرلائن کے اہلکار کہہ رہے ہیں کہ نیا ٹکٹ خریدو ہمارے پاس کھانے کے پیسے نہیں واپسی کیلئے نیا ٹکٹ کیسے خریدیں