حکومت نےا آئی ایم ایف کو راضی کرنے کے لئے عوام پر مہنگائی کاایک اور  پہاڑ توڑنے کا فیصلہ کرلیا۔ بجلی اور گیس سمیت متعدد اشیاء کی قیمتوں میں اضافے کا فیصلہ کرلیا۔ عوام ہوجائیں تیار! بجلی اور گیس مزید مہنگی ہوگی، آئی ایم ایف کے مطالبات پر حکومت نے گھٹنے ٹیک دیے۔ پاکستان کے آئی ایم ایف سے مذاکرات حتمی مراحل میں داخل ہوگئے، وفاقی حکومت نے بجلی کا بنیادی ٹیرف بڑھانے کی اصولی منظوری دے دی۔ بجلی کے نرخوں میں 4 سے 10 روپے فی یونٹ اضافہ متوقع ہے۔وفاقی حکومت گیس ٹیرف بڑھانے پر بھی رضامند ہو گئی، مختلف اشیاء پر جی ایس ٹی 17 فیصد اور فلڈ لیوی بھی عائد کرنے کی منظوری دے دی گئی۔آئی ایم ایف سے پالیسی سطح کے مذاکرات کا آخری دور جمعرات تک جاری رہے گا۔حکام کا کہنا ہے کہ آئی ایم ایف سخت مطالبات سے پیچھے نہیں ہٹ رہا، سخت شرائط پر عمل کرنا ہی آخری حل ہے۔