قطر کے نشریاتی ادارے الجزیرہ نے کہا ہے کہ اس کے دو نمائندوں سمیت چار صحافی غزہ سٹی میں ایک اسرائیلی فضائی حملے میں شہید ہو گئے، ان میں دو کیمرہ مین بھی شامل ہیں۔ فرانسیسی خبررساں ادارے کے مطابق غزہ سٹی کے الشفا ہسپتال کے ڈائریکٹر نے الجزیرہ سے وابستہ 4 صحافیوں کی شہادت کی تصدیق کی ہے۔الجزیرہ کے مطابق کہ 28 سالہ صحافی انس الشریف اپنے تین ساتھیوں کے ساتھ اس وقت مارے گئے جب ہسپتال کے مرکزی دروازے کے باہر صحافیوں کے لیے قائم خیمے کو نشانہ بنایا گیا۔ انس الشریف الجزیرہ عربی کے معروف نمائندے اور شمالی غزہ سے مسلسل رپورٹنگ کر رہے تھے۔