آئی سی سی ٹی 20 ورلڈ کپ 2024 کے 22ویں میچ میں پاکستان کیخلاف کینیڈا کی ساتویں وکٹ 87 رنز پر گرگئی، نکلس کرٹن ایک رن بنا کر پویلین لوٹے۔ نیویارک کے نساؤ کاؤنٹی انٹرنیشنل کرکٹ سٹیڈیم میں کھیلے جانیوالے آئی سی سی ٹی 20 ورلڈ کپ کے 22 ویں میچ میں پاکستان کرکٹ ٹیم کے کپتان بابراعظم نے ٹاس جیت کر کینیڈا کے کپتان کو پہلے بیٹنگ کی دعوت دی ہے۔ اس موقع پر قومی کرکٹ ٹیم کے کپتان بابر اعظم نے کہا کہ کوشش ہوگی آج کے میچ میں بہتر کارکردگی دکھائیں اور فتح حاصل کریں، ٹیم میں ایک تبدیلی کی گئی ہے، افتخار احمد کی جگہ صائم ایوب کو ٹیم کا حصہ بنایا گیا ہے۔ کینیڈا کے کپتان سعد بن ظفر نے کہا کہ اگر ٹاس جیت جاتے تو ہم بھی پہلے بولنگ ہی کرتے۔