سیف سٹی کا بچھڑوں کو اپنوں سے ملوانے کا سلسلہ جاری رکھتے ہوئے سبزہ زار  کے علاقے سے  گمشدہ بچہ والدین سے ملوادیا۔والدین کے ہمراہ آیا ہوا 6 سالہ عثمان  شادی ہا ل سے گم ہو گیا تھا ۔والدین کی جانب سے 15 پربچہ گمشدگی کی کال کی گئی ۔دوسری جانب 15 ایمرجنسی پرہنجروال کے علاقے سے   بچہ ملنے کی کال بھی موصول ہوئی۔سیف سٹی لاسٹ اینڈ فاونڈ سنٹر نے دونوں کالز کا موازنہ کیا۔سیف سٹی نے والدین کو متعلقہ تھانے میں بچہ موجود ہونے کی اطلاع دی۔ ترجمان سیف سٹیز کا کہناتھاکہ پولیس نے تصدیق کے بعد بچہ والدین کے حوالے کردیا۔سیف سٹی لاسٹ اینڈ فاؤنڈ سنٹر اب تک 5 ہزار سے زائد افراد کو اپنوں سے ملوا چکا ہے۔شہری کسی بھی گمشدگی کی صورت میں فورا 15 پر اطلاع دیں۔