کراچی کی سڑکوں پر بے ہنگم انداز میں دوڑتی گاڑیاں انسانی زندگیوں کے چراغ گل کرنے لگیں ،، ایم اے جناح روڈ پر بھی ریس لگاتی دو مسافر بسوں میں سے ایک بس موٹر سائیکل پر چڑھ دوڑی،حادثے کے نتیجے میں موٹر سائیکل سوار چار سالہ بچی جاں بحق اور باپ زخمی ہوگیا،، پولیس کے مطابق حادثہ تیز رفتاری کے باعث پیش آیا ،حادثے کے بعد مشتعل افراد نے ریس لگانے والی دونوں بسوں کو آگ لگا، جبکہ ڈرائیور فرار ہونے میں کامیاب ہوگئے ، تاخیر سے جائے حادثہ پہنچنے والی پولیس ٹیم پر بھی مشتعل افراد نے پتھراؤ کیا ،، جبکہ پولیس نے بھاری نفری کو طلب کرتے ہو ئے ہنگامہ آرائی اور جلاؤ گھیراؤ کے الزام میں گیارہ افراد کو گرفتار کرلیا،، پولیس کے مطابق حادثے کے ذمہ دار بس ڈرائیور کی تلاش شروع کر دی گئی ہے