خیرپور: مخالفین کی فائرنگ سے عدالت آنیوالے 3 افراد جاں بحق
خیر پور میں ڈسٹرکٹ سیشن کورٹ کے قریب مخالفین کی فائرنگ سے مقدمے کی سماعت کے لئے عدالت آنے والے 3 افراد جاں بحق ہو گئے۔پولیس کے مطابق فائرنگ کا واقعہ خیر پور کے فائر بریگیڈ سٹیشن روڈ پر پیش آیا ،واقعہ کے فوری بعد جاں بحق ہونے والے 2 افراد کی لاشوں اور ایک شدید زخمی کو سول ہسپتا ل منتقل کیا گیا جہاں زخموں کی تاب نہ لاتے ہوئے شدید زخمی شخص نے بھی دم توڑ دیا۔پویس کے مطابق تینوں افراد مقدمے کی سماعت پر عدالت جا رہے تھے، واقعہ پرانی دشمنی کا شاخسانہ ہے۔پولیس نے مفرور ملزمان کی گرفتاری کے لیے ناکہ بندی کر کے ان کی تلاش شروع کر دی ہے۔
