تفصیلات کے مطابق چار نئے بحری جہاز آرڈر کرنے کے لیے پاکستان نیشنل شپنگ کارپوریشن (پی این ایس سی) کی ٹیم رواں ہفتے چین روانہ ہوگی۔پی این ایس سی حکام کا کہنا ہے کہ بحری جہاز چین سے خریدے جا رہے ہیں. جس کے لیے بیش تر ادائیگی پاکستانی روپے میں کی جائے گی. پہلا جہاز تقریباً ایک سال بعد مل سکتا ہے. دیگر بعد میں دستیاب ہوں گے۔حکام کے مطابق نئے بحری جہازوں سے پی این ایس سی کارگو ترسیلی صلاحیت 40 فی صد بڑھ جائے گی. دوسری طرف 2 پرانے جہاز 8 ارب روپے میں بیچنے کے لیے بولیاں طلب کی گئی ہیں، جن کی فروخت مارچ تک مکمل ہوگی۔سلطان چاؤلہ کا کہنا ہے کہ پہلا جہاز تقریباً 1 سال بعد مل سکتا ہے، دیگر بعد میں دستیاب ہوں گے، پی این ایس سی کارگو ترسیل صلاحیت 40 فیصد بڑھ جائے گی۔چیئرمین سلطان چاؤلہ نے کہا کہ 2 پرانے جہاز 8 ارب روپے میں بیچنے کے لیے بولیاں طلب کی گئی ہیں، مارچ تک فروخت مکمل کریں گے۔پاکستان نے آخری بار 20 سال قبل پی آئی اے کے لیے نئے ہوائی جہازوں کا آرڈر دیا تھا۔ واضح رہے کہ پی این ایس سی قومی ادارہ ے، جس کے بحری جہازوں میں نئے پرانے ڈبل ہل افرامیکس، ایل آر – ون پراڈکٹ ٹینکر، پانامیکس بلک کیریر، سپرامیکس، ہینڈیمیکس، اور ہینڈی سائز بلک کیریر شامل ہیں، جو 9 لاکھ 38,876 ٹن وزن لانے لے جانے کی صلاحیت رکھتا ہے۔یہ ادارہ پوری دنیا کے تقریباً تمام جغرافیائی راستوں پر ہر قسم کے کارگو کے ساتھ نقل و حمل کر چکا ہے، ہینڈی میکس اور ہینڈی سائز جہاز خشک بلک کیریئر، لوہے اور اسٹیل کی مصنوعات، کھاد، معدنیات، جنگلاتی مصنوعات، کچ دھاتیں، باکسائٹ، ایلیومنا، سیمنٹ اور دیگر تعمیراتی سامان لانے لے جانے کی صلاحیت رکھتے ہیں۔