پاکستان نےتیسرے اور  فیصلہ کن ٹیسٹ میں انگلینڈ کو 9وکٹوں سے شکست دے کر سیریز بھی اپنے نام کرلی۔شان مسعودکی قیادت میں پاکستان نےپہلی ٹیسٹ سیریز جیت ہے۔ راولپنڈی کے فیصلہ کن ٹیسٹ میں دوسری اننگز میں انگلینڈ کی پوری ٹیم پاکستانی اسپنرز کے ہاتھوں 112 رنز پر ڈھیر ہوئی جس کے بعد قومی ٹیم کو جیت کے لیے 36 رنز کا ہدف ملا جوکہ پاکستان ٹیم نے ایک وکٹ پر پورا کرلیا۔صائم ایوب 8رنز بنا کر آوٹ ہوئے اور عبداللہ شفیق نے 5 اور کپتان شان مسعود نے 6 بالز پر 23 رنز بنا کر پاکستان کو کامیابی دلوائی۔پاکستان نے ساڑھے تین سال بعد ہوم گراونڈ پر ٹیسٹ سیریز جیتی ہے۔ پنڈی ٹیسٹ میں پاکستانی اسپنرز کی شاندار بولنگ کی بدولت انگلینڈ کی ٹیم دوسری اننگز میں بھی مشکلات سے دوچار نظر آئی۔ پنڈی ٹیسٹ کے تیسرے روز انگلینڈ نے اپنی دوسری اننگز کا آغاز 24 رنز 3 کھلاڑی کے نقصان پر کیا تب جو روٹ 5 اور ہیری بروک 3 رنز کے ساتھ کریز پر تھے لیکن پھر انگلش بیٹر ہیری بروک 26 رنز بناکر نعمان علی کا شکار بنے اور پھر کپتان بین اسٹوکس کو بھی 3 رنز پر پویلین بھیج دیا۔ نعمان علی نے اننگز میں 5 وکٹیں حاصل کرلیں۔ نعمان علی جانب سے کیریئرمیں چھٹی بار 5 وکٹیں لینے کا کارنامہ انجام دیا ہے۔پاکستان کی جانب نعمان علی نے 6 جبکہ ساجد خان نے 4 وکٹیں حاصل کیں۔ پاکستانی دو اسپنرز ساجد علی اور نعمان علی  نے 2میچوں میں 40 میں سے 39 وکٹیں اپنے نام کیں۔