پاکستانی ٹیم کی بیٹنگ لائن جنوبی افریقہ کے خلاف پہلے ٹیسٹ میچ کی دوسری اننگز میں بھی ناکامی سے دوچار ہوئی لیکن قومی ٹیم پہلے ٹیسٹ میچ میں میزبان ٹیم کو شکست دے کر نئی تاریخ رقم کر سکتی ہے۔ سنچورین میں جاری سیریز کے پہلے ٹیسٹ میچ میں پاکستان کی ٹیم جنوبی افریقہ کے خلاف دوسری اننگز میں بھی ناکامی سے دوچار ہوئی اور صرف 190رنز پر ڈھیر ہو گئی۔ جنوبی افریقہ نے اپنی پہلی اننگز میں 42رنز کی برتری حاصل کی تھی جس کے سبب پاکستان نے میزبان ٹیم کو میچ میں فتح کے لیے 149رنز کا ہدف دیا ہے۔