پیس اینڈ کلچر آرگنائزیشن کے چیئرپرسن مشعل حسین ملک نے بھارت کی طرف سے غیر قانونی طور پر مقبوضہ جموں و کشمیر (IIOJK) اور فلسطین میں انسانی حقوق کی خلاف ورزیوں کی شدید مذمت کی ہے مشعل، جو کہ غیر قانونی طور پر نظر بند کشمیری حریت رہنما محمد یاسین ملک کی اہلیہ ہیں، نے مقبوضہ کشمیر اور فلسطین میں دہشت گردی کا راج اور انسانی حقوق کی خلاف ورزیوں کے ارتکاب پر بھارت کی ہندوتوا حکومت اور صیہونی اسرائیل کو تنقید کا نشانہ بنایا۔ان خیالات کا اظہار انہوں نے پروفیسر ظفر سندھو، کشمیری تاجر اشتیاق بھٹ اور ڈاکٹر اویس ملک کے ہمراہ راولپنڈی چیمبر آف کامرس کے دورے کے دوران کیا۔انہوں نے راولپنڈی چیمبر آف کامرس کے صدر، سینئر تاجر برادری اور راولپنڈی کی سول سوسائٹی کے ہمراہ احتجاجی واک میں شرکت کی جس کا مقصد IIOJK میں بھارتی حکومت کے مظالم کو اجاگر کرنا اور فلسطینیوں کے ساتھ اظہار یکجہتی کرنا تھا۔