فریضہ حج ادا کر کے سعودی عرب سے نجی ائیر لائن کے ذریعے ملتان آنے والی خاتون دوران پرواز انتقال کر گئی۔ایوی ایشن حکام کے مطابق نجی ائیر لائن کی پرواز ایس وی 800 سے سعودی عرب کے شہر جدہ سے ا?نے والی 80 سالہ خاتون راشدہ بیگم دوران پرواز انتقال کر گئی۔راشدہ بیگم کے ساتھ سفر کرنے والے ان کے صاحبزادے محبوب رشید نے بتایا کہ ان کی والدہ کی طبیعت پرواز میں بیٹھنے سے قبل ہی خراب تھی ، تاہم راستے میں والدہ کو گہری نیند ا?ئی اور ملتان پہنچنے پر جب انہیں جگایا گیا تو وہ ہوش میں نہ ا?ئیں۔اس موقع پر سول ایوی ایشن کے میڈیکل عملہ نے طبی معائنہ کیا جس میں موت کی تصدیق ہوئی ، ایئر پورٹ عملہ نے ضروری کارروائی کے بعد خاتون کی میت اہل خانہ کے سپرد کر دی ، خاتون کا تعلق راجن پور سے تھا۔