جناح ہاؤس لاہور پر حملے میں ملوث مرکزی کردار پی ٹی آئی کا کا رکن نکلا
جناح ہاؤس لاہور پر حملے میں ملوث مرکزی شر پسند کردار سے متعلق کیا گیا پی ٹی آئی کا پروپیگنڈہ بے نقاب ہو گیا۔ مرکزی شر پسند شخص بھی پی ٹی آئی کا سرگرم کارکن نکلا، جس کا نام عمران محبوب ہے۔شر پسند کو ایک مخصوص منصوبے کے تحت ابتدا میں جناح ہائوس بھیجا گیا۔ پی ٹی آئی کی جانب سے شر پسند کو ایجنسیوں کا اہلکار قرار دے کر حملے کا سارا الزام سکیورٹی اداروں پر لگایا گیا۔شر پسند شخص نجی ہوٹل کا ملازم ہے جو سیاسی جماعت کے اہم کارکنان میں شامل ہے۔پی ٹی آئی نے عمران محبوب کو اپنے آفیشل ہینڈل سے جاری ویڈیو میں ایجنسیز کا بندہ قرار دیا تھا۔شر پسند عمران محبوب قانون نافذ کرنے والے اداروں کی حراست میں ہے۔ایسے کرداروں کو پاکستان آرمی ایکٹ اور آفیشل سیکرٹ ایکٹ کے تحت کارروائی کا سامنا کرنا پڑے گا۔
