شنکیاری میں مسافر کوسٹر اور ٹیکسی کے درمیان تصادم سے 4افراد جاں بحق ہوگئے،نجی ٹی وی کے مطابق مانسہرہ کے علاقے شنکیاری میں سی پیک روٹ پر گلگت سے آنے والی مسافر کوسٹر ڈرائیور کی جانب سے اوور ٹیک کی کوشش کے دوران ٹیکسی سے ٹکرا گئی، حادثے کے نتیجے میں ٹیکسی میں سوار 4 افراد موقع پر ہی جاں بحق ہوگئے، جاں بحق ہونے والے تمام افراد کے جسد خاکی قریبی اسپتال منتقل کردیئے گئے جب کہ کوسٹر کا ڈرائیور فرار ہوگیا،پولیسحکام کے مطابق جاں بحق ہونے والوں میں 3مرد اور ایک بچی شامل ہیں، ابتدائی شواہد کے مطابق حادثہ کوسٹر کے ڈرائیور کی جانب سے اوور ٹیک کی کوشش کی وجہ سے پیش آیا، پولیس نے ڈرائیور کی گرفتاری کے لئے ٹیم تشکیل دے دی ہے۔