ملک کے بیشترحصوں میں سورج کی تیز دھوپ گہرے سیاہ بادلوں کی اوٹ میں چھپ گئی، محکمہ موسمیات نے جمعہ سے اتوارکے دوران ملک کے بیشترعلاقوں میں بارش کی نوید سنا دی،اس دوران راولپنڈی، گوجرانوالہ، لاہور، سرگودھا ، فیصل آباد ڈویژن،کے پی،اسلام آباد، گلگت،اور کشمیرمیں کہیں کہیں برکھا برسے گا،جبکہ ژوب، ڈی جی خان،ملتان ڈویژن میں چند مقامات پربھی برسات کی توقع ہے،پنجاب،کے پی اورکشمیرکے پہاڑی علاقوں میں پہاڑ برف کی سفید شال اوڑھ لیں گے۔
گزشتہ چوبیس گھنٹے کے دوران ملک کے بیشترعلاقوں میں موسم گرم اورمرطوب رہا تاہم گوجرانوالہ،راولپنڈی،ہزارہ ڈویژن اورکشمیرمیں چند مقامات پربادل برسے،اسلام آباد،گلگت،مظفرآباد،چترال، فیصل آباد،لاہورمیں مطلع جزوی ابرآلود رہا۔