پاکستان نے القاعدہ دہشت گردوں کی سرکوبی کے لیے امریکا سے انٹیلی جنس تعاون کیا اور اب امریکا کے براہ راست طالبان سے روابط سے آگاہ ہیں، جس کا خیرمقدم کرتے ہیں،افغانستان نے طاہر داوڑ کے قتل بارے کوئی معلومات نہیں دیں ،اس معاملے پر ملک کے اندر تحقیقات جاری ہیں

بھارت کے ساتھ مذاکرات کےلئے تیار،کرتار پورہ سرحد بارے خوشخبری جلد سنائیں گے،بھارتی آرمی چیف کو سوچ کر بولنے کی ضرورت ہے ،بھارتی پنجاب کے وزیراعلی کے بیان کو مسترد کرتے ہیں ، بھارت اپنے داخلی مسائل میں پاکستان کا نام لے کر الیکشن میں فائدہ حاصل کرنا چاہتا ہے،مقبوضہ کشمیر بارے او آئی سی کے بیان کا خیرمقدم کرتے ہیں ،ڈاکٹرفیصل کی ہفتہ وار میڈیا بریفنگ

مریم نواز کا مسلم سٹوڈنٹ فیڈریشن کو نئی قوت سے شروع کرنے کا اعلان

اسلام آباد(اے این این ) دفتر خارجہ کے ترجمان ڈاکٹر محمد فیصل نے کہا ہے کہ امریکی صدر ڈونلڈ ٹرمپ کے حالیہ بیان کے بعد ریکارڈ کی تصحیح کیلئے پاکستان کی جانب سے ٹوئٹ کیے گئے۔ ترجمان دفتر خارجہ نے ہفتہ وار میڈیا بریفنگ کے دوران کہا کہ پاکستان نے القاعدہ دہشت گردوں کی سرکوبی کے لیے امریکا سے انٹیلی جنس تعاون کیا اور اب امریکا کے براہ راست طالبان سے روابط سے آگاہ ہیں، جس کا خیرمقدم کرتے ہیں۔ترجمان دفتر خارجہ نے کہا کہ پاکستان نے بھارت کو دہشت گردی سمیت تمام اہم معاملات پر مذاکرات کی دعوت دی تھی، ہماری کاوشیں جاری ہیں اور کرتار پور پر اچھی خبر جلد سنائیں گے۔بھارتی فوج کے سربراہ کی جانب سے پاکستان مخالف بیان پر ترجمان نے کہا کہ بھارتی آرمی چیف کے بیان پر اتنا کہتے ہیں سوچ کر بولنے کی ضرورت ہے، ایسا بھارت کی طرف سے نظر نہیں آرہا، بھارت نے پاکستان کو انڈین اوشین نیول سمپوزیم میں جان بوجھ کر شرکت کی دعوت نہیں دی۔ترجمان دفتر خارجہ کا کہنا تھا کہ پاکستان بھارتی پنجاب کے وزیراعلی کے بیان کو مسترد کرتا ہے، بھارت اپنے داخلی مسائل میں پاکستان کا نام لے کر الیکشن میں فائدہ حاصل کرنا چاہتا ہے۔ترجمان نے کہا کہ پاکستان مقبوضہ کشمیر میں حالیہ بھارتی جارحیت کی مذمت کرتا ہے اور او آئی سی کی جانب سے بھی کی گئی مذمت کا خیر مقدم کرتے ہیں۔مشرق وسطی کی صورتحال کے حوالے سے ترجمان کا کہنا تھا کہ یمن ثالثی کا معاملہ انتہائی حساس ہے تاہم اس پر تھوڑی پیش رفت ہوئی ہے اور فلسطینی عوام کے ساتھ روا رکھے جانے والے سلوک کی مذمت کرتے ہیں۔دفتر خارجہ کے ترجمان نے کہا کہ وزیراعظم نے مقبوضہ کشمیر میں بھارتی جارحیت کے حوالے سے ملائیشین ہم منصب کو آگاہ کیا۔ترجمان ڈاکٹر محمد فیصل نے کہا کہ شہید ایس پی رورل پشاور طاہر داوڑ کے قتل کی بھرپور مذمت کرتے ہیں، اس حوالے سے افغانستان نے کوئی معلومات نہیں دی تاہم پاکستان میں اس کی تحقیقات جاری ہیں۔ایک سوال کے جواب میں ڈاکٹر محمد فیصل نے بتایا کہ ممبئی حملوں میں سزائے موت پانے والے اجمل قصاب کے ڈومیسائل کا معاملہ میڈیا پر دیکھا ہے۔ڈاکٹر محمد فیصل نے کہا کہ وزیر اعظم عمران خان کے دورہ متحدہ عرب امارات(یو اے ای)اور ملائیشیا کے بارے میں بھی آگاہ کیا۔ترجمان کا کہنا تھا کہ وزیر اعظم عمران خان اپنے ملائیشیا کے ہم منصب مہاتیر محمد کی دعوت پر ملائیشیا گئے، جہاں دونوں ممالک کے درمیان تعلقات کے فروغ پر بات چیت ہوئی۔انہوں نے بتایا کہ عمران خان کے دورے کے دوران تجارت کے فروغ اور دہشت گردی کے خاتمے کے لیے مشترکہ کوششوں پر اتفاق ہوا۔بریفنگ کے دوران ترجمان دفتر خارجہ نے چین میں خودکشی کرنے والے پاکستانی طالب علم کی بات کرتے ہوئے کہا کہ اسامہ احمد خان کی موت پر افسوس ہے لیکن اس معاملے پر جعلی خبر پھیلائی گئی۔ڈاکٹر محمد فیصل نے کہا کہ پاکسان نے امریکی صدر ڈونلڈ ٹرمپ کے بیان کے بعد ریکارڈ کی تصیح کے لیے ٹوئٹ کیے۔انہوں نے کہا کہ پاکستان نے القاعدہ کے دہشت گردوں کی سرکوبی کے لیے امریکا کے ساتھ انٹیلی جنس تعاون کیا۔ہفتہ وار بریفنگ میں انہوں نے کہا کہ فلسطینی عوام کے ساتھ روا رکھے جانے والے سلوک کی مذمت کرتے ہیں۔ساتھ ہی انہوں ںے یہ بھی بتایا کہ کویت میں ایئرپورٹ پر پھنسے پاکستانی مسافروں کو مدد فراہم کی گئی۔

لاہور میں ریسٹورنٹس اور فوڈ پوائنٹس کے نئے اوقات کا نوٹیفکیشن جاری