لاہور(حافظ محمد عمران / نمائندہ سپورٹس) پاکستان کرکٹ بورڈ کے چیئرمین شہریار خان کا بنگلہ دیش کے بارے میں کہنا ہے کہ بنگلہ دیش کے ساتھ کرکٹ سیریز ملتوی ہوئی ہے منسوخ نہیں ہوئی۔ وقت نیوز کے ساتھ مزید گفتگو میں چیئرمین شہریار خان کا کہنا تھا کہ بنگلہ دیش بورڈ کے ساتھ ہوم سیریز نیوٹرل وینیو پر کھیلنا چاہتے ہیں۔ ہم تین مرتبہ بنگلہ دیش جا چکے ہیں اب ہمیں میزبانی کرنی ہے۔ بنگلہ دیش کرکٹ بورڈ کے صدر کیساتھ ہونیوالی بات چیت حوصلہ افزا ہے۔ بنگلہ دیش کے ساتھ کرکٹ تعلقات ختم نہیں کئے بات چیت جاری ہے۔ ہم دونوں نے اتفاق رائے سے سیریز ملتوی کرنیکا فیصلہ کیا ہے۔