ناروے میں ٹرام پٹری سے اتر کر دکان سے ٹکرا گئی جس کے نتیجے میں 4 افراد زخمی ہوگئے۔ غیرملکی خبررساں ادارے کی رپورٹ کے مطابق ٹرام میں تقریباً 20 مسافر سوار تھے، منگل کی صبح ناروے ے دارالحکومت اوسلو کے وسط میں کمپیوٹر کی دکان سے ٹکرا گئی جس کے نتیجے میں ڈرائیور سمیت 4 افراد زخمی ہوگئے۔ پولیس نے بتایا کہ چار منزلہ عمارت کو خالی کروالیا گیا ہے جبکہ نقصان کی جانز کی جائے گی۔ 

جائے وقوعہ سے ملنے والی تصاویر میں دیکھا جاسکتا ہے کہ نیلے رنگ کی ٹرام کی پہلی گاڑی دکان سے ٹکرا گئی تھی کیونکہ یہ اوسلو کی مرکزی سڑکوں میں سے ایک اسٹورگاٹا کے چوراہے پر پٹریوں سے اتر گئی۔

پولیس کا بتانا ہے کہ ہم دائرہ کار کا جائزہ لینے کے لیے کام کر رہے ہیں، لیکن اسٹور کو کافی نقصان پہنچا ہے۔

ریسکیو اداروں نے علاقے کو گھیرے میں لے لیا ہے۔