ضمنی الیکشن کیلئے اہم رہنما بھی ووٹ کاسٹ کرنے پہنچے، وزیراعظم عمران خان ، خواجہ سعدرفیق، چودھری شجاعت حسین، مصطفی کمال اور اویس لغاری نے اپنے اپنے حلقوں میں ووٹ کاسٹ کرلیا۔ضمنی الیکشن کیلئے زور آزمائی، 35 حلقوں میں ووٹ کاسٹ کرنے کا سلسلہ جاری رہا ۔ وزیراعظم عمران خان نے این اے 53 اسلام آباد میں اپنا حق رائے دہی استعمال کیا، اس موقع پر سکیورٹی کے سخت انتظاما ت کئے گئے تھے۔این اے 131 لاہور سے مسلم لیگ ن کے امیدوار خواجہ سعدرفیق ایف بلاک پولنگ سٹیشن نمبر 6 پہنچے اور اپنا ووٹ کاسٹ کیا۔ سعد رفیق کے مدمقابل تحریک انصاف کے امیدوار ہمایوں اختر نے بھی ووٹ ڈال دیا۔مسلم لیگ ق کے رہنما چودھری شجاعت حسین نے اپنے آبائی علاقے این اے 69 گجرات میں ووٹ ڈالا، این اے 63 ٹیکسلا میں تحریک انصاف کے رہنما غلام سرور خان نے ووٹ کاسٹ کیا۔پی پی 292ڈی جی خان پر مسلم لیگ ن کے امیدوار اویس خان لغاری نے بھی ووٹ کاسٹ کرلیا، تحریک انصاف کے این اے 243 کراچی سے امیدوار عالمگیر خان نے اپنا ووٹ گلشن کالج میں ڈالا، پاک سرزمین کے سربراہ مصطفی کمال نے بھی اسی حلقے میں اپنا حق رائے دہی استعمال کیا، سپیکر قومی اسمبلی اسد قیصر نے صوابی میں اپنا ووٹ کاسٹ کیا ،یم کیو ایم پاکستان کے رہنما اور این اے 243 سے امیدوار عامر چشتی نے بھی اپنے حلقے میں ووٹ کاسٹ کردیا، دیگر سیاسی جماعتوں کے رہنما بھی اپنے اپنے حلقوں میں ووٹ کاسٹ کیا ۔