موسم بہار کی آمد کے ساتھ ہی ہر طرف قدرت کے رنگ ہی رنگ بکھر گئے ہیں
جشن بہاراں کے سلسلے میں جہلم کے فیملی پارک میں محکمہ زراعت اور میونسپل کمیٹی کے تحت پھولوں کی نمائش کا اہتمام کیا گیا۔ نمائش میں درجنوں اقسام کے پھول شہریوں کی توجہ کا مرکز بنے رہے۔ پھولوں کی نمائش دیکھنے والوں میں خواتین بھی شامل تھیں۔ شہریوں نے پھولوں کی نمائش کو سراہتے ہوئے کہا کہ گھٹن زدہ ماحول میں خوبصورت پھولوں نے فضا کو معطر کر دیا ہے۔۔ پھول دیکھنے سے آنکھوں کو طراوت اور دل کو سکون ملا ہے۔۔ والدین کے ہمراہ آئے بچے گلاب،چنبیلی،گینڈا،موتیا اور دیگر اقسام کے پھولوں کے ساتھ سیلفیاں بناتے رہے۔ خوشی سے بچوں کے چہرے دمک رہے تھے،انہوں نے آئندہ بھی ایسی نمائشوں کے انعقاد کی خواہش ظاہر کی۔۔
