محمکمہ موسمیات کے مطابق آج سے بدھ کے دوران بلوچستان کے بیشتر علاقوں میں بارش جبکہ کوئٹہ، ژوب اور قلات ڈویژن کے پہاڑوں پر مزید برفباری کا بھی امکان ہے، منگل اور بدھ کے روز سندھ میں بھی کہیں کہیں بارش ہو سکتی ہے، آج سے جمعرات کے دوران اسلام آباد، پنجاب، خیبرپختونخوا، کشمیر، گلگت بلتستان اور فاٹا میں بیشتر مقامات پر بارش اور پہاڑوں پر مزید برفباری ہو گی، بدھ اور جمعرات کے دوران کشمیر اور ہزارہ ڈویژن میں کہیں کہیں موسلادھار بارش ہو سکتی ہے، کل سے جمعرات کے دوران مالاکنڈ، ہزارہ، مری، گلیات، گلگت بلتستان اور کشمیر کے پہاڑوں پر مزید برفباری کی پیشگوئی کی گئی ہے، محکمہ موسمیات کا کہنا ہے کہ آئندہ چوبیس گھنٹوں کے دوران بھی بلوچستان، پنجاب، خیبرپختونخوا، فاٹا، اسلام آباد، کشمیر اور گلگت بلتستان میں اکثر مقامات پر جبکہ سندھ میں کہیں کہیں بارش اور پہاڑوں پر برفباری متوقع ہے۔