انٹرنیشنل کرکٹ کونسل نے نئی ٹیسٹ پلیئر رینکنگ جاری کردی، بھارت کے خلاف ٹیسٹ میچ میں شاندار کارکردگی پر آسٹریلوی کپتان سٹیون سمتھ بیٹنگ رینکنگ میں پہلی مرتبہ نمبر ون پوزیشن پرآ گئے، بھارت کے ویرات کوہلی کی پہلے سے دوسرے نمبر ہر تنزلی ہوگئی، انگلینڈ کے جو روٹ بیٹنگ رینکنگ میں تیسرے، نیوزی لینڈ کے کین ولیمسن چوتھے،آسٹریلیا کے ڈیوڈ وارنر پانچویں جبکہ جنوبی افریقہ کے ہاشم عاملہ چھٹے نمبر پر موجود ہیں، پاکستان کے اظہرعلی کی ساتویں اور یونس خان کی آٹھویں پوزیشن ہے، رینکنگ میں جنوبی افریقہ کے ڈی کوک کا نواں اور اے بی ڈویلیئرزکا دسواں نمبر ہے۔ دوسری جانب باؤلرز کی فہرست میں بھارت کے روی ایشون اور رویندرا جدیجا بالترتیب پہلے اور دوسرے نمبرپرموجود ہیں، پاکستان کا کوئی بھی باؤلر ٹاپ ٹین میں جگہ بنانے میں کامیاب نہیں ہوسکا۔ آسٹریلوی فاسٹ باؤلر جوش ہیزل وڈ تیسرے ،سری لنکا کے رنگنا ہیراتھ چوتھے، جنوبی افریقہ کے کاگیسو ربادا پانچویں جبکہ جنوبی افریقہ کے ہی فاسٹ باؤلر ڈیل سٹین چھٹے نمبر پر براجمان ہیں، رینکنگ میں انگلش باؤلر جیمز اینڈرسن اور سٹورٹ براڈ کا بالترتیب ساتواں اورآٹھواں نمبر ہے۔ جنوبی افریقہ کے ورنن فلنڈر نویں اورآسٹریلیا کے مچل سٹارک آئی سی سی ٹیسٹ باؤلر رینکنگ میں دسویں پوزیشن پر موجود ہے۔