یوم دفاع پاکستان کے موقع پر مزار قائد پر گارڈز کی تبدیلی کی پروقار تقریب کا انعقاد کیا گیا ۔ وطن عزیز کے دفاع کیلئے اپنی جانوں کا نذرانہ پیش کرنے والے شہدا اور غازیوں کو سلام پیش کرنے کیلئے ملک بھر میں تقاریب کا اہتمام کیا گیا ۔یوم دفاع پاکستان کے موقع پر مزار قائد پر گارڈز کی تبدیلی کی پروقار تقریب منعقد ہوئی  جس کے مہمان خصوصی ایئر وائس مارشل شہریار خان تھے ۔پاکستان ایئر فورس اصغر خان اکیڈمی کے کیڈٹس گارڈز کے فرائض سنبھال لئے ۔ کیڈٹس میں 61 مرد اور 13 خواتین کیڈٹس شامل ہیں۔ تقریب کے مہمانِ خصوصی ایئر وائس مارشل شہریار نے مزارِ قائد حاضری دی ،پھول رکھے اور فاتحہ خوانی کی ۔