کرائسٹ چرچ میں بھارت کے ہاتھوں بدترین شکست کھانے کے بعد شاہین دوبارہ اپنی ساکھ بچانے اتریں گے مقابلہ ہو گا ویسٹ انڈیز کے ساتھ جو آئرلینڈ کے ہاتھوں بدترین شکست سے دوچار ہو چکی ہےدونوں ٹیموں نے ٹورنامنٹ میں ایک ایک میچ کھیلا ہے لیکن کامیاب نہ ہوسکیں،کرائسٹ چرچ میں ہونے والا میچ دونوں ٹیموں کیلئے اہم ہے، جیت سے محروم پاکستان اور ویسٹ انڈیز کی ٹیموں نے کرائسٹ چرچ میں بھرپور پریکٹس سیشن کیا۔پاکستان کپتان مصباح الحق کا کہنا ہے کہ ویسٹ انڈیز کے خلاف ورلڈ کپ کا دوسرا میچ ان کے لیے غیرمعمولی اہمیت کا حامل ہے اور وہ بیٹسمینوں سے توقع کررہے ہیں کہ وہ اپنی اننگز بڑے سکور میں تبدیل کرنے میں کامیاب ہوجائیں گےدوسری طرف کیریبین کپتان کا کہنا ہے کہ پاکستان کے خلاف میچ میں شاہد آفریدی اور یونس خان پر کڑی نگاہ رکھیں گے، یہ دونوں عمدہ پرفارم کرنے کی صلاحیت رکھتے ہیں۔