گوجرہ ٹرین حادثے میں چھ قیمتی جان یں لقمہ اجل بن گئیں
گوجرہ کے قریب چک تیرانوے میں پکانہ ریلوے سٹیشن کے قریب ایک کار ریلوے کراسنگ پر کھلے پھاٹک سے گزر رہی تھی، شالیمار ایکسپریس کی زد میں آگئی، ٹرین کراچی سے لاہور جارہی تھی، خوفناک حادثے کے نتیجے میں کار میں سوار خواتین اور بچوں سمیت چھ افراد جاں بحق ہو گئے،جن کا تعلق ایک ہی خاندان سے بتایا جاتا ہے، حادثے کے بعد جائے وقوعہ پر امدادی کارروائیاں کی گئیں, ریسکیو اہلکاروں نے مرنے والوں کی میتیوں کو ہسپتال منتقل کر دیا،، عینی شاہدین کے مطابق حادثہ پھاٹک کھلا ہونے کی وجہ سے پیش آیا، دوسری جانب حادثے کے بعد ورثاء نے احتجاجی مظاہرہ بھی کیا۔ ان کا کہنا تھا کہ ملوث افراد کیخلاف سخت سے سخت کارروائی عمل میں لائی جائے, تاہم پولیس کی یقین دہانی کے بعد احتجاج ختم کر دیا گیا, جاں بحق افراد کا تعلق سرگودھا سے ہے جنہیں کل سپرد خاک کیا جائے گا, تاہم انکے ورثاء کی جانب سے تاحال کسی کیخلاف مقدمے کیلئے درخواست نہیں دی گئی
