معروف سپرہیرو کردار بیٹ مین کے اَن گنت مداحوں کے لیے خوشخبری ہے کہ کئی دہائیوں سے اپنے چاہنے والوں کے دِلوں پر راج کرنے والے اس کردار پر مبنی ’بیٹ مین: آرکھم نائٹ‘ کا ٹریلر جاری کر دیا گیا وارنر بروس گیمز کے تحت تیار ہونے والی ایکشن اور تھرل سے بھرپور اس ویڈیو گیم میں بیٹ مین سیریز کی گزشتہ گیمز سے زیادہ خطرناک مشن موجود ہیں، جنہیں بیٹ مین بہادری سے انجام دیتا نظر آئیگا۔ ایکشن سے بھرپور سنسنی خیز ویڈیو گیم شائقین وِنڈوز پی سی سمیت ایکس باکس اور پلے اسٹیشن فور پر بھی باآسانی کھیل سکتے ہیں، جو 23جون کو لانچ کر دیا جائیگا۔